लुकाई रोदन देखाई हर्ष आफ्नो मन धान्छ रुपक  माया जीवन जीवन माया यै कुरा लाई मान्छ रुपक  पल्टिएर डुङ्गा तालमा कोलाहलमा परेपनि तैरिएर आफू माथी अरुलाई नि तान्छ रुपक

चन्चले र चुलबुले कस्तो तिम्रो बानी लुरी  डराईडराई लजाईलजाई किन आनाकानी लुरी  मलाई पनि थाहा छ नि हुन्छ के त्यो मनभित्र  सकिदैन एक्लै बस्न कि त भागी जानी लुरी

ख्याल ख्याल गर्दा माया गडेको नछाएको हरियाली बनै डडेको  वर्षासंगै बहने वर्षातको  खोली मायाको संसारै अडेको

याद मनमा आउँदा लेखेँ गजल धड्कनमै तिमी छाउँदा लेखेँ गजल चोट विछोडको यो कस्तो तिमी साथ नपाउँदा लेखेँ गजल

स्वच्छन्द बोली तर सत्यता रहेनछ बातमा त्यागी क्रोध नसम्झि बिरानो मुस्काईरहेछु घातमा हराई हर्ष आज रोदनसंगै झस्किएछु  हृदय कुल्चि फुटाउन मुटु बज्रिएको लातमा